هانية جمال الدين تكتب : ساعات الرفض بيبقى منتهي القبول..

اشخاص شاهدوا الموضوع

بقلمى - الكاتبة - هانية جمال الدين 

اللي هو "يتمنعن وهن الرغبات" وراغبات جدا يعني بس يمكن خوف.. او ظروف تمنع اي حاجة تكمل حلوة للآخر!

خوف على الطرف التاني.. خوف عليه من بعدين.. اكتر من اي خوف تاني.. خوف كله إيثار وحب و تضحية..

تختار تضحي بحبك في سبيل ان اللي بتحبه ما يضحيش بأي حاجة تانية ممكن تكون أغلى من الحب مع الوقت..

الحب حالة بتشدنا في الأول وبيتهألنا فيها انها ممكن تسعدنا وترضينا و تغنينا عن أي حاجة بس مع الوقت بيبقى في متطلبات تانية اهم من الحب وهي اللي بتساعد انه يكبر ويستمر ..

ولو تم الاستغناء عنها الحب مع الوقت هينتهي وبنفضل نرمي الاتهامات على بعض.. ان حد فينا كان السبب او حتى لو ده ماحصلش بيبفضل حد فينا طول الوقت حاسس بالذنب انه حرم الطرف التاني من حق مفروض ليه وانه ظلمه لما وافق يكمل معاه.. وهنا السعادة بتضيع و بيفضل بس الهم والحسرة..

تخيلوا كدة طرف عشان طرف هيضطر يتنازل عن أطراف تانية كتير هتبقي اهم..

تفتكروا حد ممكن يحب حد للدرجة انه يختاره هو وبس ومايبقاش عايز اي حاجة من الدنيا غيره وغير انه يكمل اللي باقيه من العمر معاه وقصاده وبس.. ما اعتقدش!

طب تفتكروا في حد يستاهل انه يتضحي عشانه ويتم التمسك بيه قوي كدة؟؟ طب ولو ده حصل هل ممكن فعلا ما يبقاش في ندم بعدين؟! مفيش حاجة مضمونة للأسف!

 انا بس اللي كنت طول الوقت بفكر بالشكل ده ومازالت!!

وعندي الحب هو أعظم أولوية في الحياه واي حاجة بعده لو مجتش مش مهم