اشخاص شاهدوا الموضوع
بقلمى - هانية جمال الدين
جراب الحاوي ما بيخلاش
وحوالينا جرابات ياما ..
إيشي أفاعي و وحوش و أوباش
بملامح كلها وسامة ..
إيشي عيون سارحة فيك لبعيد
بتوعد وفي وعودها وعيد..
فحاسب منّهم لا تعيد..
حروق مش ندبة ولا شامة
ده لسة أثرها فيك ماهديش
ولسة الوقت بيك ما مشيش
ومهما قفلت باب ورا شيش..
مايمحيش ذكرى وعلامة !
ومش كل اللي يوعظ شيخ
ومش كل العتاب توبيخ !
ومش كل اللي كتبوا تاريخ
مادسوش معلومات سامّة
إرسال تعليق