اشخاص شاهدوا الموضوع
بقلمى : هانية جمال الدين
ممكن ادورلك على فرحة..
تمسح هم وحزن ماليك؟!
والايام لو قاسية و جارحة
تفضل طير بيحوم حواليك
صعب علية تكون متضايق
واقف اتفرج بس عليك..
عاوزاك مبسوط دايما رايق
و نفسي من الهم أخبيك..
شكل الحزن عليك مش لايق
و الضحكة بتوحشها عنيك
و ياريتنى أقدر لو دقايق ..
و لسنة فاتت ارجع بيك
فيها كان من جوايا حرايق
و طفيتها بقلبك و إيديك
و لقتني في توهة بقيت سايق
من يومها وحلمي أكون ليك
واكيد عارفة انك مش فايق
وأي كلام يتقال يإذيك ..
لو تعرف قلبي ازاي دايق
نفس مرارة حزنك فيك!
إرسال تعليق