اشخاص شاهدوا الموضوع
بقلمى - هانية جمال الدين
بقلمى - هانية جمال الدين
يا حلم كان خلصان..
وفي قلبي خبيته
بعد الآوان بآوان
فاجأة كدة لقيته
وردي اللي كان دبلان
جيت انت و رويته
صحيته بعد ما كان
ميت و أحييته
بعد أما لية يبان..
بالبعد صديته
ما انا غصب عني كمان
من غرقتي حميته
ليه يخوض رهان خسران
و أبقي بكدة أذيته !
رغم انه بر أمان..
انا صعب اكون بيته
انا عود خشب تلفان
والسوس نخر قلبه
من برة غصن البان
وجوة الوهن ضربه
أغش ليه إنسان..
علشان صدق حبه
ويعيش على الحرمان
وأعيش على ذنبه!
إرسال تعليق