اشخاص شاهدوا الموضوع
بقلمى - الكاتبة هانية جمال الدين
كتر من الناس اللي تعينك
وفي غيابك بيدوروا فينك
وتضوي الحلم اللي يزينك
وتبدل فيك الأوجاع
كتر من ناس عاوزة سلامك
من غير ماتقول سامعة كلامك..
وتطيب تعبك و الالآمك
وتزيل خوف وتهدي صراع
ناس شايفة مقامك في العالي
و بيشتروا خاطرك بالغالي
ناس في ضلامك ليك بتلالي
وتصلح ليك الأوضاع!
ناس تسمع حزنك من بوحك
و تقرب وكإنها روحك!
تضحك ويغيب عنك نوحك
وتلقي مكانك بعد ماضاع!
بيصلحوا غلطات ناس غيرهم
و يعالجوا ملامح تدميرهم..
ناس كل اللي ضامنهم خيرهم
ولا معرفة ولا حفظ طباع!
إرسال تعليق